જુનાગઢમાં જ્યાં ધોધમાર વરસાદ વરસ્યો અને વિસ્તારો જળમગ્ન બન્યાં છે  મેંદરડા, માણાવદર, કેશોદ બાદ હવે ભેંસાણ તાલુકાને વરસાદે બાનમાં લીધો હતો. ભેંસાણમાં 4 ઈંચ વરસાદથી સમગ્ર તાલુકો જાણે પાણીમાં તરબોળ હોય તેવા દ્રશ્યો સામે આવ્યા હતા. સતત વરસાદથી ઉબેણ નદી બે કાંઠે વહેતી થઈ હતી. એટલું જ નહીં પરબધામમાં વરસાદી પાણી ભરાતા લોકો ઘરમાં રહેવા માટે મજબૂર બન્યાં છે. ગ્રામ્ય વિસ્તારોને જોડતો કોઝ-વે પાણીમાં ગરકાવ થતા કેટલાક ગામનો સંપર્ક તૂટ્યો હતો. જોકે બપોર બાદ વરસાદે વિરામ લેતા લોકોએ હાશકારો અનુભવ્યો છે અને પાણી પણ ધીમેધીમે ઓસરવાની શરૂઆત થઈ છે