સંજય ડાંગર દ્વારા, ધ્રોલ: આગામી વિધાનસભા ચૂંટણીને ધ્યાનમાં રાખીને, આમ આદમી પાર્ટી (AAP) દ્વારા કાલાવડ-૭૬ વિધાનસભા વિસ્તારમાં તેના પ્રચાર અભિયાનને વેગ આપવા માટે બે જાહેરસભાઓનું આયોજન કરવામાં આવ્યું છે. આ સભાઓ સોમવાર, ૧૫ સપ્ટેમ્બર, ૨૦૨૫ના રોજ લતિપર અને વાંકિયા ગામમાં યોજાશે.
પ્રથમ સભા લતિપર ગામમાં સાંજે ૫:૩૦ કલાકે લતિપર જિલ્લા પંચાયત બેઠક માટે યોજાશે, જ્યારે બીજી સભા રાત્રે ૮:૩૦ કલાકે વાંકિયા ગામમાં ખારવા જિલ્લા પંચાયત બેઠક માટે યોજાશે.
આ જાહેરસભાઓમાં આમ આદમી પાર્ટીના પ્રદેશ અધ્યક્ષ શ્રી ઈસુદાનભાઈ ગઢવી મુખ્ય અતિથિ તરીકે ઉપસ્થિત રહેશે. તેમની સાથે સૌરાષ્ટ્ર ઝોન-૧ના પ્રમુખ શ્રી પ્રકાશભાઈ દોંગા, જામજોધપુરના ધારાસભ્ય શ્રી હેમંતભાઈ ખવા અને જામનગર જિલ્લા પ્રમુખ શ્રી વશરામભાઈ રાઠોડ પણ હાજરી આપશે.
ધ્રોલ તાલુકા અને શહેર આમ આદમી પાર્ટીના પ્રમુખો દ્વારા આસપાસના ગામોના લોકોને મોટી સંખ્યામાં આ સભાઓમાં ઉપસ્થિત રહીને પાર્ટીના પ્રચાર અભિયાનને મજબૂત બનાવવા માટે આમંત્રણ પાઠવવામાં આવ્યું છે. આ સભાઓ દ્વારા 'આપ' સ્થાનિક સ્તરે મતદારો સુધી પોતાની વાત પહોંચાડવાનો પ્રયાસ કરશે.