પંચમહાલ જિલ્લાના ગોધરા શહેરમાં MGVCLની બેદરકારીના કારણે લોકોને ભારે હાલાકીનો સામનો કરવો પડ્યો. સ્ટેગરિંગના નામે વીજળી કાપ મૂકવામાં આવતા સવારથી જ વીજ પ્રવાહ બંધ હતો, જે મોડી સાંજ સુધી ચાલુ ન થતા લોકો ગરમીમાં અકળાયા હતા. સતત 11 કલાક વીજળી ન આવતા શહેરીજનોનો રોષ ભભૂકી ઉઠ્યો હતો. રોષે ભરાયેલા સ્થાનિક લોકોએ MGVCLની કચેરી ખાતે પહોંચીને હોબાળો મચાવ્યો હતો. વીજળીના અભાવે વેપાર-ધંધા અને ઘરના કામકાજ પણ અટકી પડ્યા હતા, જેના કારણે લોકોમાં ભારે નારાજગી જોવા મળી હતી