જામનગરમાં 13 વર્ષીય સગીરા પર દુષ્કર્મના કેસમાં ટંકારાના આરોપીને 20 વર્ષની જેલની સજા ફટકારવામાં આવી છે. સોશિયલ મીડિયાથી પરિચયમાં આવીને બાળકીને પ્રેમજાળમાં ફસાવી હતી. સરકારી યોજનામાંથી ભોગ બનનાર બાળાને 6 લાખનું વળતર ચુકવવા કોર્ટે આદેશ કર્યો છે.  મોરબી જિલ્લાના સંજય ઉર્ફે શિવમ પરમાર નામના યુવક સામે ઓક્ટોબર-2023માં ફરિયાદ નોંધાઇ હતી. પોક્સો, અપહરણ તેમજ દુષ્કૃત્યની કલમો હેઠળ પોલીસે ગુનો નોંધીને આરોપીની ધરપકડ કરી હતી.