(નવીન જોષી દ્વારા) ઉના તા. ર૯ :.. શહેરમાં ર૪ કલાકમાં શાંતિપૂર્ણ ૬ ઇંચ વરસાદ આજે સવાર સુધીમાં વરસી ગયો હતો. ઉના શહેર તાલુકાની જીવાદોરી ગણાતા અને તુલસીશ્‍યામ જંગલમાં આવેલ રાવલ ડેમ ગઇકાલે મોડી રાત્રે ઓવરફલો થઇ ગયો હતો.

રાવલ ડેમમાં ગઇકાલે રાત્રીના ૪ ફુટ ઓવરફલો શરૂ થતાં ૩ દરવાજા ખોલ્‍યા હતાં. ત્‍યાર પછી ઓવરફલો ઘટીને ૩ ફુટ થતાં ર દરવાજા ડેમના ખુલ્લા રાખ્‍યા હતાં. આજે વહેલી સવારે ૪ ફુટ દરવાજા ખુલ્લા રાખવામાં આવ્‍યા હતાં.

રાવલ નદી ઓવરફલો થતાં નજીકના નીચાણવાળા વિસ્‍તારો જળબંબાકારમાં ફેરવાયા હતાં.

ઉનામાં ર૪ કલાકમાં ૬ ઇંચ વરસાદ વરસી પડતા મોસમનો કુલ વરસાદ ૩૪ ઇંચ થયો છે.

ઉના ગ્રામ્‍ય વિસ્‍તારમાં ર૪ કલાકમાં ૪ થી પ ઇંચ વરસાદ વરસી જતાં ગ્રામ્‍યની મોટાભાગની નદી બેકાંઠે વહી રહી છે.

ઉના નજીક મચ્‍છુન્‍દ્રી ડેમ અગાઉ ર વખત છલકાયો ગયો છે. ગઇકાલે રાત્રે વરસાદથી મચ્‍છુન્‍દ્રી નદીમાં નવા નીર આવ્‍યા છે. (પ-