રાજકોટ તા. ર૯ :.. ભાયાવદરના મોટી પાનેલી ગામે બંધ મકાનને નિશાન બનાવી તસ્‍કરો ૩.૩૦ લાખની રોકડ રકમ ચોરી કરી તથા હતાં.

મળતી વિગતો મુજબ મોટી પાનેલી ગામે જૂની પોસ્‍ટ ઓફીસવાળી ગલીમાં રહેતા અને ખેતીકામ કરતા કિરણભાઇ ભીમજીભાઇ પાંચાણીના બંધ મકાનમાં તસ્‍કરોએ પ્રવેશી રૂમનું તાળુ તોડી રૂમમાં કપાસમાં થેલી ભરેલી સંતાડેલા રોકડા ૩,૩૦,૦૦ ચોરી કરી ગયા હતાં. આ અંગે કિરણભાઇ પાંચાણીએ ભાયાવદર પોલીસ મથકમાં અજાણ્‍યા ઇસ્‍મો સામે ફરીયાદ કરી હતી. આ બનાવમાં કોઇ જાણભેદુની સંડોવણી હોવાની શંકાએ પોલીસે તપાસ હાથ ધરી છે. (પ-ર૧)