જૂનાગઢ : છેલ્લા પાંચેક દિવસથી ગુજરાતના અલગ-અલગ ભાગોમાં વરસાદી માહોલ જામ્યો છે, ત્યારે ખાસ કરીને સૌરાષ્ટ્રના જૂનાગઢમાં સતત પાંચમા દિવસે મેઘરાજા તોફાની બેટિંગ કરી રહ્યા હોય તેમ લાગી રહ્યું છે.

આજે આખા દિવસ દરમિયાન જૂનાગઢ જિલ્લામાં સાર્વત્રિક વરસાદ વરસ્યો છે. જે પૈકી સૌથી વધુ 77 મિ.મી (3.03 ઈંચ) વરસાદ વંથલી તાલુકામાં નોંધાયો છે. આ સિવાય જિલ્લાના મેંદરડામાં 57 મિ.મી (2.24 ઈંચ), જૂનાગઢ શહેર-ગ્રામ્યમાં 54-54 મિ.મી (2.13 ઈંચ), કેશોદમાં 45 મિ.મી (1.7 ઈંચ), માળિયા હાટીનામાં 38 મિ.મી (1.5 ઈંચ), વિસાવદરમાં 35 મિ.મી (1.3 ઈંચ),માણાવદરમાં 32 મિ.મી (1.26 ઈંચ), ભેંસાણમાં 23 મિ.મી, માંગરોળમાં 27 મિ.મી. વરસાદ વરસ્યો છે.