સૌરાષ્ટ્રના કેટલાક જિલ્લાઓમાં સિંહનો આતંક જોવા મળતો હોય છે. એવામાં અમરેલીના સાવરકુંડલાના કેરાળા ગામમાં સિંહ બાદ હવે શિયાળનો આતંક જોવા મળ્યો છે. જેમાં સાવરકુંડલામાં પરપ્રાંતીય મજૂરના એક વર્ષના બાળક પર શિયાળે હિંસક હુમલો કર્યો. હુમલા બાદ બાળકે ચીસા-ચીસ કરતા માતા પિતા સહિત સ્થાનિકો દોડી આવ્યા. આ ઘટનામાં બાળકને ગંભીર ઈજા પહોંચતા સારવાર અર્થે હોસ્પિટલ ખસેડવામાં આવ્યો હતો.