રાજકોટ તા. ૧૮: વઢવાણના ખમીસાણા ગામે રહેતાં અને સેન્‍ટીંગ કામની મજૂરી કરતાં વિનોદભાઇ ઉકાભાઇ સોલંકી (ઉ.વ.૩૯) ઉપર તેના જ ગામના રામ, રવિ સહિતના શખ્‍સોએ લોખંડના પાઇપથી હુમલો કરી ઇજાઓ પહોંચાડતાં સારવાર માટે રાજકોટ સિવિલ હોસ્‍પિટલમાં ખસેડાયલ છે.

વિનોદભાઇએ કહ્યું હતું કે રામ, રવિ સહિતને મારા ઘર નજીક જ રેતીનો પ્‍લાન્‍ટ છે. તેના પ્‍લાન્‍ટનું ગંદુ પાણી મારા ઘર સુધી, ફળીયામાં આવી જતું હોઇ આ બાબતે તેને સમજાવવા જતાં બોલાચાલી થઇ હતી. આ બાબતે ખાર રાખી હુમલો કરાયો હતો. હોસ્‍પિટલ ચોકીના સ્‍ટાફે જોરાવરનગર પોલીસને જાણ કરતાં વધુ તપાસ હાથ ધરવામાં આવી છે.