પાલીતાણા માર્કેટિંગ યાર્ડમાં કડદા પ્રથાના એંધાણ દેખાતા ખેડૂતોએ વિરોધ નોંધાવ્યો હતો . લીંબુની હરાજીમાં ખેડૂતોને નક્કી કરાયેલ ભાવમાંથી ઓછા ભાવ અપાતા ખેડૂતોએ વિરોધ કર્યો હતો. ખેડૂતોએ માર્કેટિંગ યાર્ડમાં રજૂઆત કરી તે છતાં કોઈ નિરાકરણ ન આવ્યું. બાદમાં શહેર કોંગ્રસ પ્રમુખ ઓમદેવસિંહ સરવૈયાએ વેપારીઓ સાથે ઉગ્ર રજૂઆત બાદ ખેડૂતોને મૂળ ભાવ અપાવ્યા હતા. ખેડૂતને હરાજીમાં નક્કી થયેલ ભાવ અપાવ્યા હતા. બોટાદ યાર્ડની જેમ પાલીતાણા યાર્ડમાં પણ આ કડદા પ્રથા ના આવે તેવી યાર્ડમાં સત્તાધિશો પાસે માગ કરી હતી.