જામનગરમાં નવા વર્ષની ઉજવણી વચ્ચે એક ભયાનક બનાવ સામે આવ્યો છે, જ્યાં ફટાકડા ફોડવા જેવી સામાન્ય બાબતે ઝઘડો થયા બાદ 40 વર્ષીય યુવકની હત્યા કરવામાં આવી. અંધાશ્રમ આવાસ વિસ્તારમાં થયેલી આ ઘટનામાં છરીના ઘા ઝીંકી યુવકને મોતને ઘાટ ઉતારવામાં આવ્યો. બનાવની જાણ થતાં જ પોલીસનો કાફલો ઘટના સ્થળે દોડી ગયો હતો અને હત્યારાઓને પકડવા માટે સઘન શોધખોળ શરૂ કરી છે. ઉજવણીના આનંદ વચ્ચે ખૂની ખેલે સમગ્ર વિસ્તારમાં ચકચાર મચાવી છે.