સલાયા રોડ પર પહોંચતા અચાનક કોઈ અગમ્ય કારણોસર તેનું એક્ટિવા સ્લિપ થઈ ગયું હતું. જેના કારણે તે રોડ પર પટકાઈ હતી અને તેને ગંભીર ઈજાઓ પહોંચી હતી. અકસ્માત સર્જાતા આસપાસના લોકો તરત જ ઘટનાસ્થળે દોડી આવ્યા હતા અને ઇજાગ્રસ્ત યુવતી ફાલ્ગુની રૂપારેલિયાને તાત્કાલિક સારવાર અર્થે નજીકની હોસ્પિટલમાં ખસેડવામાં આવી હતી. જોકે હોસ્પિટલમાં ફરજ પર હાજર તબીબે યુવતીને તપાસ્યા બાદ તેને મૃત જાહેર કરી હતી.

યુવતીનું અકાળે મોત નિપજતા તેના પરિવારજનો પર આભ તૂટી પડ્યું હતું. આ યુવતીનું અકાળે અવસાન થતાં લોહાણા સમાજમાં પણ ભારે શોકનો માહોલ ફેલાયો છે. યુવતીના અકાળે મોતથી પંથકમાં ગમગીની છવાઈ ગઈ છે.