( પ્રવિણ વ્યાસ દ્વારા ) મોરબી : કુંભારિયા ગામના રહેણાંક મકાનમાં જુગારધામ પર દરોડો કરી પોલીસે જુગાર રમતા મકાન માલિક સહીત સાત શખ્સોને ઝડપી લઈને રોકડ રૂ ૪૦,૨૦૦ જપ્ત કરી કાયદેસર કાર્યવાહી હાથ ધરી છે.

માળિયા (મી.) પોલીસ ટીમ પેટ્રોલિંગમાં હોય દરમિયાન કુંભારિયા ગામે રહેતો જેસિંગ મહાદેવ દેગામાં [પોતાના મકાનમાં બહારથી માણસો બોલાવી જુગાર અખાડો ચલાવતો હોવાની બાતમી મળતા ટીમે રેડ કરી હતી મકાનમાં જુગાર રમતા જેસિંગ મહાદેવભાઈ દેગામાં, જયંતી રામજીભાઈ કૈલા, નાથા શંકરભાઈ દેગામાં, ત્રિકમજી રામજીભાઈ પંચાસરા (રહે ચારેય કુંભારિયા તા. માળિયા) તેમજ ભગવાનજી બચુભાઈ ધામેચા, કિશોર હરજીભાઈ મેવાડા અને રાજેશ ગોવિંદભાઈ ધંધાણીયા (રહે ત્રણેય ખાખરેચી તા. માળિયા)  એમ કુલ સાત પત્તાપ્રેમીઓને ઝડપી લઈને રોકડ રૂ ૪૦,૨૦૦ જપ્ત કરી જુગારધારા મુજબ કાર્યવાહી હાથ ધરી છે.