જૂનાગઢના ધંધુસર નજીક ઉબેણ નદીમાં ડૂબેલા યુવાનનો મૃતદેહ આખરે મળી આવ્યો છે. ફાયર વિભાગની ટીમ છેલ્લા 24 કલાકથી સતત શોધખોળ કરી રહી હતી. સ્થાનિક તરવૈયાઓની મદદથી યુવાનનો મૃતદેહ નદીમાંથી બહાર કાઢવામાં આવ્યો. માહિતી મુજબ, યુવાન રાત્રે ત્રણ વાગ્યે ઘરેથી નીકળ્યો હતો પરંતુ ત્યાર બાદ પરત ફર્યો નહોતો. ઉબેણ નદીના પુલ પરથી તેનો મોબાઈલ અને ટુવ્હીલર મળ્યા બાદ શોધખોળ શરૂ કરવામાં આવી હતી. હાલ પોલીસ યુવાન કયા કારણસર નદીમાં ડૂબ્યો તે અંગે તપાસ કરી રહી છે.