સૌરાષ્ટ્ર-કચ્છમાં પૂ.દાદા ભગવાન જન્મોત્સવ : મોરબીમાં ભુપેન્દ્રભાઇ આવશે
મોરબીમાં ૭ દિવસ સુધી પૂ. દિપકભાઇ દેસાઇનો સત્સંગ-પ્રશ્નોતરી : ‘જોવા જેવી દુનિયા' પ્રદર્શન
રાજકોટ તા., ૧ : રાજકોટ સહિત સૌરાષ્ટ્ર-કચ્છમાં પૂ.દાદા ભગવાન જન્મોત્સવ ધામધુમથી ઉજવાશે. મોરબીમાં મુખ્યમંત્રી ભુપેન્દ્રભાઇ પટેલની ઉપસ્થિતિમાં વિશેષ કાર્યક્રમ યોજાશે.
મોરબી
(પ્રવિણ વ્યાસ દ્વારા) મોરબી : અણધાર્યા કમોસમી વરસાદને કારણે મુલાકાતીઓને મુશ્કેલી ન પડે અને તેમની સગવડ સારી રીતે સચવાય રહે એ ધ્યાનમાં રાખીને પરમ પૂજ્ય દાદા ભગવાનની ૧૧૮મી જન્મજયંતિ નિમિત્તે યોજાનાર કાર્યક્રમની તારીખોમાં નજીવો ફેરફાર કરવામાં આવ્યો છે. હવે આ મહોત્સવ ૩ થી ૯ નવેમ્બર દરમ્યાન યોજાશે.મહોત્સવનો શુભારંભ અને સાંસ્કળતિક કાર્યક્રમ ૩ નવેમ્બર સોમવારે સાંજે રહેશે. જેમાં ગુજરાતના મુખ્યમંત્રી ભૂપેન્દ્રભાઈ પટેલ મુખ્ય અતિથિ તરીકે હાજરી આપશે. મહોત્સવ નિમિત્તે ખાસ ઊભી કરવામાં આવેલી જોવા જેવી દુનિયાની મુલાકાત ૩ થી ૯ નવેમ્બર દરમ્યાન સાંજે ૦૪.૩૦ થી રાત્રે ૧૧ વાગ્યા સુધી લઈ શકાશે. તેમ યાદીમાં જણાવાયું છે.
(11:44 AM IST)
છેલ્લા 8 દિવસમાં સૌથી લોકપ્રિય 
