(યાસીન બ્લોચ દ્વારા) વિસાવદર :વિસાવદર માર્કેટિંગ યાર્ડના ચેરમેન વિનુભાઈ હાપાણીએ જૂનાગઢ ખાતે મુખ્યમંત્રી ભૂપેન્દ્રભાઈ પટેલને રૂબરૂ મળીને આભાર વ્યક્ત કરતા ગુજરાત સરકારે જાહેર કરેલા કૃષિ પેકેજને ઐતિહાસિક લેખાવ્યું છે. વિનુભાઈએ ઐતિહાસિક પેકેજનો શ્રેય રાજ્યના મુખ્યમંત્રી ભુપેન્દ્રભાઈ પટેલને આપતા જણાવ્યું કે,  ભૂતકાળમાં આટલા  ટૂંકા સમયમાં ધરતીપુત્રો માટે  પેકેજ જાહેર થવાની ઘટના બની ન હતી.  રાજ્ય સરકાર હંમેશા ખેડૂતોની પડખે ઊભી રહેશે તેવો વિશ્વાસ પણ તેમણે વ્યક્ત કર્યો છે.