ધ્રોલ: સૌરાષ્ટ્રનાબીજામનગરના કાલાવડ તાલુકાના મોટા પાંચદેવડાની સીમમાં ગત રાત્રે ૪ અજાણ્યા ઇસમોએ વૃદ્ધ દંપતી (કાબાભાઇ-હિરુબેન અજુડીયા) પર પથ્થર અને ધોકા વડે હુમલો કર્યો હતો. લૂંટારૂઓ દાદીના કાનમાંથી સોનાની બુટ્ટીઓ ખેંચી તથા તિજોરી તોડી રૂ. ૬૫,૦૦૦/- ની મતા ચોરીને ફરાર થઈ ગયા હતા. કાલાવડ ગ્રામ્ય પોલીસે તપાસ હાથ ધરી છે. 

બીજા એક બનાવમાં જામનગર જિલ્લાના જ કાલાવડ ગ્રામ્ય પોલીસના નાની ભગેડી ગામમાં પશુ પ્રત્યે ક્રૂરતાનો ઘૃણાસ્પદ બનાવ: ખેડૂત રમેશભાઈ સાંગાણીની વાડીમાં બાંધેલી રૂ. ૭૦,૦૦૦ની કિંમતની ભેંસને તા. ૨૮/૨૯ની રાત્રે કોઈ અજાણ્યા ઈસમોએ તેના ચારેય પગ બાંધી દઈ માથા અને પેટના ભાગે  ગંભીર ઈજાઓ પહોંચાડી મોત નીપજાવ્યું હતું. પોલીસે વધુ તપાસ હાથ ધરી છે. (સંજય ડાંગર અકિલા ધ્રોલ)