( પ્રવિણ વ્યાસ દ્વારા) મોરબી : ગીતા મહોત્સવ નિમિત્તે રાજ્ય સંસ્કૃત બોર્ડ પ્રેરિત મોરબી જિલ્લા શિક્ષણાધિકારી કચેરી આયોજિત ગીતાજીના ૧૮ અધ્યાય અને ૭૦૦ શ્લોકો કંઠસ્થ કરનારાને ગીતાભૂષણ એવોર્ડ આપવાનો કાર્યક્રમ સંપન્ન થયો. આ મહોત્સવમાં મોરબી જિલ્લાના ચાર સ્પર્ધકોએ ગીતાજીના તમામ શ્લોકો કંઠસ્થ કર્યા હતા. આ ચારેય સ્પર્ધકોમા તક્ષશિલા સંકુલના એમડી અને આંદરણા ગામના વતની ડો.મહેશ ડાયાભાઈ ગરધરિયા અને એમના ત્રણેય ભાણેજ- આર્યા નિલેશભાઈ નાયકપરા( જુના દેવળિયા), વેદ વિષ્ણુભાઈ સંઘાણી ( ગુજરવદી ) અને ધ્યેય પંકજભાઈ બાપોદરિયાએ શલાકા પદ્ધતિથી આખી ગીતાજીમાથી કોઈપણ શ્લોક પૂછે તો પણ શ્લોક બોલીને જવાબ આપ્યા હતા.