રાજકોટ જિલ્લાના જસદણમાં ગોગો પેપર વેચનારાઓ સામે SOG દ્વારા તવાઈ બોલાવવામાં આવી છે. SOGની અલગ-અલગ ટીમોએ પાનના ગલ્લાઓમાં ચેકિંગ હાથ ધર્યું હતું, દરમિયાન ક્રિષ્ના કોમ્પ્લેક્સમાં આવેલ બ્લુ સ્ટાર પાનના ગલ્લામાંથી ગોગો પેપર મળી આવ્યું. તપાસ દરમિયાન પ્રી-રોલ ગોગો કોન, કેપ્ટન ગોગો ટુ રોલિંગ પેપર તેમજ ગોગો રોલિંગ પેપર સહિતનો અંદાજે 2 હજાર રૂપિયાનો મુદ્દામાલ જપ્ત કરવામાં આવ્યો હતો. આ મામલે દુકાનદારને અટકાયત કરીને આગળની કાર્યવાહી હાથ ધરવામાં આવી છે.