ભાવનગરમાં દેશની જાણીતી કંપનીના નામે નકલી બિસ્કીટની ફરિયાદને લઈને ચિત્રા વિસ્તારમાં પોલીસે બિસ્કીટનો શંકાસ્પદ માલ સિઝ કર્યો છે. આ અંગે પ્રાપ્ત માહિતી અનુસાર, દેશની જાણીતી કંપની પારલે પ્રોડક્ટ પ્રાઇવેટ લિમિટેડની લોકપ્રિય બ્રાન્ડ ‘ગ્લુકો’ની નકલ કરીને ‘ગ્લુકો સ્ટાર્ટ’ નામે બિસ્કીટ બનાવવાનો અને વેચવાનો મામલો સામે આવ્યો છે. આ મામલે પાર્લે કંપની દ્વારા દિલ્હી હાઈકોર્ટમાં કેસ દાખલ કરાયો હતો. કોર્ટે લોકલ કમિશનરની નિમણૂક કરી તપાસના આદેશ આપ્યા હતા. આજે કંપનીના માણસો દ્વારા લોકલ કમિશનર, લોકલ પોલીસને સાથે રાખી તપાસ કરતા 8 લાખ કરતા વધુ રકમનો શંકાસ્પદ બિસ્કીટનો જથ્થો મળી આવ્યો છે.