(વિનોદ ગાલા દ્વારા)ભુજ તા.૫ : કચ્છના રાપર તાલુકાના ખીરઈ ગામે પાબુદાદાના પ્રાચીન મંદિરે કરાયેલ મૂર્તિની અને પાળિયાની તોડફોડ તેમ જ ચાંદીના છત્તરની ચોરીના બનાવે લોકોમાં ભારે રોષ સર્જ્યો છે. 

      આ અંગે જગુભા વેલુભા જાડેજાએ નોંધાવેલી પોલીસ ફરિયાદમાં જણાવ્યા પ્રમાણે તા.૨ જાન્યુઆરીથી ૩ જાન્યુઆરી વચ્ચે આ પ્રાચીન મંદિરમાં ઘોડેશ્વાર ચાર મૂર્તિઓ અને પાળિયાઓને ખંડિત કરી ચાંદીના છત્તરોની ચોરી કરી છે ઉપરાંત બાજુમાં આવેલ સુરાપુરાના પાળીયાને પણ ખંડિત કર્યું છે. આ બનાવની જાણ થતાં જ લોકોના ટોળા ઉમટી પડ્યા હતા અને આવું કૃત્ય કરી ધાર્મિક લાગણી દુભાવનારા અસામાજિક તત્વોને પકડી પાડવા માંગ કરી છે. આ બનાવને પગલે રાપર પીઆઈ જે.બી. બુબડીયા અને પોલીસ ટીમ ઘટના સ્થળે ધસી ગઈ હતી અને આ બનાવની ઊંડી તપાસ હાથ ધરી આરોપીઓને ઝડપી પાડવાની તજવીજ શરૂ કરી દીધી છે. (તસ્વીર: મુકેશ રાજગોર, રાપર)