રાજકોટ તા. ૨૦: મોરબી તાબેના હળવદના ટીકર-રણ ગામે રહેતાં વૃધ્‍ધાનું મંદિરમાં દિવા કરતી વખતે દાઝી જવાથી મૃત્‍યુ થતાં પરિવારમાં શોક છવાઇ ગયો છે.

ટીકર રહેતાં રૂક્ષમણીબેન (રૂખીબેન) મનજીભાઇ પરમાર (ઉ.વ.૭૦) નામના વૃધ્‍ધા ગઇકાલે સવારે ઘરના મંદિરમાં દિવા કરતાં હતાં તે વખતે પહરેલા કપડાને ઝાળ અડી જતાં કપડા સળગતાં દાઝી ગયા હતાં. તેમને હળવદ, મોરબી સારવાર અપાવી રાજકોટ સિવિલ હોસ્‍પિટલમાં ખસેડાયા હતાં. અહિ સવારે મૃત્‍યુ થતાં હોસ્‍પિટલ ચોકીના સ્‍ટાફે હળવદ પોલીસને જાણ કરી હતી.

મૃત્‍યુ પામનાર રૂક્ષમણીબેનને સંતાનમાં બે પુત્ર છે. જે ખેત મજુરી કરે છે. પતિ મનજીભાઇ નિવૃત જીવન જીવે છે. બનાવ આકસ્‍મિક હોવાનું સગાએ કહ્યું હતું. ખરેખર કઇ રીતે ઘટના બની? તેની તપાસ હળવદ પોલીસ કરી રહી છે