રાજકોટ તા. રર :.. ભાડલાના પરણિતા સાથે આપઘાત માટે મજૂર કરનાર પતિ સામે પોલીસમાં ફરીયાદ થઇ છે.

મળતી વિગતો મુજબ વશરામભાઇ ભાયસિંગભાઇ મણદોરીયા ધંધો મજૂરી રહે. ભાડલા ગામ, રામાપીરના મંદિર પાસે એ આરોપી તેના જમાઇ વનરાજ વશરામભાઇ સાઢમીયા રહે. બોઘરાવદર ગામ તા. જસદણ સામે ભાડલા પોલીસ મથકમાં ફરીયાદ કરી છે.

ફરીયાદમાં જણાવ્‍યા મુજબ ફરીયાદીની મરણજનાર દિકરી સરીદાને તેનો પતિ વનરાજ અવારનવાર ઘરકામ બાબતે નાના મોટા ઝઘડાઓ કરી શારીરિક - માનસીક ત્રાસ આપી ફરીયાદીની દિકરીએ તેના પિયરમાં જવાની ના પાડતા ફરીયાદીની દિકરીને આરોપીએ મરવા માટે મજબૂર કરતા, ફરીયાદીની દિકરી સરીદાએ ઝેરી દવા પી આપઘાત કરી લીધો હતો.

આ ફરીયાદ અન્‍વયે ભાડલા પોલીસે પતિ વનરાજ સાઢમીયા સામે ગુન્‍હો દાખલ કરી તપાસ હાથ ધરી છે.