રાજકોટ તા. ૨૮: ગોંડલમાં સિવિલ હોસ્‍પિટલ નજીક નદી કાંઠે રહેતાં પરેશભાઇ રાજુભાઇ ગોસ્‍વામી (ઉ.વ.૪૦) નામના યુવાને ઝેરી દવા પી લેતાં ગોંડલ સારવાર અપાવી રાજકોટ સિવિલ હોસ્‍પિટલમાં દાખલ કરવામાં આવતાં હોસ્‍પિટલ ચોકીના સ્‍ટાફે ગોંડલ એ-ડિવીઝનમાં જાણ કરી હતી.

પરેશભાઇ છુટક મજૂરી કરે છે. તેને સંતાનમાં એક દિકરો અને ત્રણ દિકરી છે. પોતે ચાર બહેનનો અકેનો એક ભાઇ છે. તેણે કહ્યું હતું કે નશાની આદત હોઇ ગઇકાલે પીધેલી હાલતમાં પત્‍નિ સાથે માથાકુટ થયા બાદ પોતે ઝેરી દવા પી ગયો હતો. પોલીસે વિશેષ નિવેદન નોંધવા તજવીજ કરી હતી.