(પ્રવિણ વ્‍યાસ દ્વારા) મોરબી, તા. ૪: ભારતને યુરોપીયન યુનિયન પછી હવે અમેરીકા સાથે પણ ટ્રેડ ડીલ કરવામાં સફળતા મેળવી છે. અમેરિકન પ્રમુખ ડોનાલ્‍ડ ટ્રમ્‍પે ભારતીય પીએમ મોદી સાથે વાતચીત કર્યા બાદ યુએસ-ભારત ટ્રેડ ડીલની જાહેરાત કરી હતી. તેના કારણે ભારત પર લાદવામાં આવેલો રેસિપ્રોકલ ટેરિફ રપ ટકાથી ઘટીને ૧૮ ટકા થઈ જશે, એમ તેમણે જણાવ્‍યું હતું. જ્‍યારે રશિયન ઓઇલ ખરીદી પરનો રપ ટકા ટેરિફ સંપૂર્ણ નાબૂદ થશે. આમ કુલ પ૦ ટકાના બદલે હવે ફક્‍ત ૧૮ ટકા જ ટેરિફ તાત્‍કાલિક અસરથી અમલમાં આવશે.

ઉદ્યોગકારોના જણાવ્‍યા અનુસાર અમેરિકામાં અન્‍ય જે દેશો પાસેથી સિરામિક પ્રોડક્‍ટ આયાત કરે છે. તેની સાપેક્ષે ભારત ઉપર વધુ ટેરિફ લગાવામાં આવ્‍યો હોવાથી ત્‍યાંની માર્કેટમાં ટકી રહેવું હવે મુશ્‍કેલ બન્‍યું હતું. આ ટેરીફની જાહેરાત થતા વેંત જ અમેરિકાના આયતકારો દ્વારા ઓર્ડર ધડાધડ કેન્‍સલ કરવામાં આવ્‍યા હતા ઉપરાંત શિપમેન્‍ટ પણ રોકી દેવાયા હતા. બાદમાં થોડા સમય બાદ વેપારે થોડી ગતિ પકડી હતી.

મોરબીનો સિરામિક ઉદ્યોગ દર વર્ષે અમેરિકામાં અંદાજે રૂ.૧૬૦૦ કરોડની ટાઇલ્‍સની નિકાસ કરે છે. તેવામાં ટ્રમ્‍પે ભારત ઉપર ૨૫ ટકા ટેરીફ લાગુ કરવાનો બાઙ્ઘમ્‍બ ફોડતા સિરામિક ઉદ્યોગ મુશ્‍કેલીમાં મુકાયો હતો. જો કે હવે આ ટેરીફ ઘટાડીને ૧૮ ટકા કરવામાં આવતા સિરામિક ઉદ્યોગે રાહત અનુભવી છે.

આ અંગે સિરામિક એસોસિએશનના પ્રમુખ મનોજભાઈ પટેલે જણાવ્‍યું કે અમેરિકા દ્વારા ટેરીફ ઘટાડીને ૧૮ ટકા કરવામાં આવ્‍યો છે. જેનાથી સિરામિક ઉદ્યોગને ફાયદો થશે. નિકાસ ફરી પહેલા જેટલી તથા તેનાથી વધુ થવાની અપેક્ષા છે. ટેરીફ રેટ વીએતનામ, પાકિસ્‍તાન અને ચીનથી નીચા છે. જેથી તેનો સીધો ફાયદો ભારતના ઉદ્યોગને થશે. નિકાસ વધશે તો નવા ઉદ્યોગો અને નવા રોકાણ તેમજ નવી રોજગારી પણ ઉભી થશે.