(વિનોદ ગાલા દ્વારા)ભુજ તા.૨ :  સરકાર કાયદા ભલે ઘડે પણ એ કાયદાની અસરકારકતા ત્યારે જ વર્તાય કે જ્યારે તેનો અમલ કડકાઇપૂર્વક થાય અને કાયદાનો ભંગ કરનારને કડક સજા મળે. કચ્છ જિલ્લામાં પશુઓની ગેરકાયદે હેરફેર અંજારના ગૌરક્ષકોની ટીમે ઝડપી પાડી છે. વરસામેડી ગામ પાસે ૫ બોલેરો જીપમાં ક્રૂરતાપૂર્વક લઈ જવાતા ૧૨ પશુઓને જાગૃત ગૌરક્ષકોએ બચાવી લીધા હતા. તમામ અબોલ પશુઓને સ્થાનિકે જ ગૌશાળામાં આશ્રય અપાયો હતો. પશુઓને ગેરકાયદે હેરફેર કરવા બાબતે પોલીસે ૫ જીપો જપ્ત કરી ૮ શખ્સો ગુનો નોંધ્યો છે.