( પ્રવિણ વ્યાસ દ્વારા )મોરબીની સોનિક ડાન્સ એકેડેમીની બે વિદ્યાર્થીનીઓ અદિતિ દેસાઈ અને હિયા હિરાણી નેશનલ ટીવી પર ઝળકવા જઈ રહી છે. અગ્રવાલ પ્રોડક્શન હાઉસ દ્વારા જયપુર ખાતે 'ઇન્ડિયાઝ ગ્રેટેસ્ટ ટેલેન્ટ શો'નું આયોજન કરવામાં આવ્યું હતું. આ ટેલેન્ટ શોમાં બંને દીકરીઓએ શાનદાર નૃત્ય પ્રદર્શન કરી પ્રથમ ક્રમ પ્રાપ્ત કર્યો હતો અને વિજેતા બની હતી.

બાળ ડાન્સર તરીકે રાષ્ટ્રીય કક્ષાએ મોરબીનું નામ રોશન કરનાર આ બંને ડાન્સરોનું પર્ફોર્મન્સ આગામી ૮ માર્ચ ૨૦૨૬ના રોજ સવારે ૫:૩0 વાગ્યે પ્રસારિત થવા જઈ રહ્યું છે. આ શોનું પ્રસારણ '& TV HD', 'Zee 5' એપ્લિકેશન અને 'Jio TV' પર કરવામાં આવશે.

દીકરીઓની આ ઝળહળતી સિદ્ધિ બદલ ડાન્સ ગુરુ રૂપલ દેસાઈ, તેમના પરિવારજનો તેમજ સમગ્ર મોરબી વાસીઓ ગૌરવની લાગણી અનુભવી રહ્યા છે.