સાળંગપુર શ્રી સ્વામિનારાયણ મંદિરે કાલે પૂ. મહંત સ્વામીની હાજરીમાં ફૂલદોલ ઉત્સવ
૭.૫ લાખ ચો.ફૂટનો મંડપ, ૧૨૫ ફૂટનો મંચ અને ૫૦૦૦ સ્વયંસેવકોઃપ.પૂ. મહંત સ્વામી મહારાજના હસ્તે કેસૂડાના રંગે રંગાવા દેશ-વિદેશના હજારો ભક્તો ઉમટશેઃકેસૂડાના રંગે રંગાશે હજારો હરિભક્તોનું મહેરામણઃસારંગપુર તીર્થધામમાં રવિવારે પ.પૂ. મહંતસ્વામી મહારાજ ઉજવશે ભવ્ય રંગોત્સવ
રાજકોટઃ તા.૭, ભગવાન સ્વામિનારાયણ ના સમયથી તીર્થત્વ પામેલી સારંગપુરની પવિત્ર ભૂમિ પર રવિવાર, તા. ૮ માર્ચના રોજ BAPS ના વડા પરમ પૂજ્ય મહંત સ્વામી મહારાજની પાવન ઉપસ્થિતિમાં ભવ્ય ‘ફૂલદોલ ઉત્સવ' (પુષ્પદોલોત્સવ) ઉજવાશે. બ્રહ્મસ્વરૂપ પ્રમુખસ્વામી મહારાજના સમયથી અત્યંત દબદબાભેર ઉજવાતી આ દિવ્ય પરંપરા આજે પ.પૂ. મહંત સ્વામી મહારાજના સાનિધ્યમાં એ જ ભવ્યતાથી ઉજવાઈ રહી છે. આ મહોત્સવમાં સહભાગી થવા માટે વિશ્વના પાંચેય ખંડોમાંથી હજારોની સંખ્યામાં ભાવિકો અને હરિભક્તો સારંગપુર ઉમટશે.
તૈયારીઓને આખરી ઓપ અને ભવ્ય આયોજનઃ હજારો હરિભક્તો જ્યારે પધારવાના છે, ત્યારે સારંગપુરમાં રંગોત્સવની તડામાર તૈયારીઓ ચાલી રહી છે. ઉત્સવની શોભા વિરાટ પાયે કરવામાં આવી છે. મુખ્ય ઉત્સવ માટે ૭.૫ લાખ ચોરસ ફૂટ જમીન પર એક વિશાળ સભામંડપ તૈયાર કરવામાં આવ્યો છે. અહીં ૧૨૫ ફૂટ લાંબો, ૪૦ ફૂટ ઊંડો અને ૪૦ ફૂટ ઊંચો એક ભવ્ય મુખ્ય મંચ બનાવવામાં આવ્યો છે. દૂર બેઠેલા ભક્તો પણ સારી રીતે દર્શન કરી શકે તે માટે સ્ટેજની મધ્યમાં અને બંને બાજુઓ મળીને કુલ ૮ વિશાળ LED સ્ક્રીન ગોઠવવામાં આવી છે.
૫૦૦૦ સ્વયંસેવકો અને સુવિધાઓઃ: આટલા મોટા આયોજન અને દરેક પરિસ્થિતિને પહોંચી વળવા માટે અત્યારે ૫૦૦૦ જેટલા સ્વયંસેવકો અને સ્વયંસેવિકાઓ રાત-દિવસ ખડેપગે સેવા આપી રહ્યા છે. પધારનાર અતિથિ હરિભક્તોને કોઈ અગવડ ન પડે તે માટે થોડા-થોડા અંતરે પૂછપરછ કેન્દ્રો અને સમગ્ર ઉત્સવપથ પર શીત પેયજલ (ઠંડા પાણી) ની વ્યવસ્થા ગોઠવવામાં આવી છે. ઉત્સવના અંતે સૌના માટે ગરમાગરમ સ્વામિનારાયણીય ખીચડી ના મહાપ્રસાદની વ્યવસ્થા પણ કરવામાં આવી છે.
રવિવારના ઉત્સવની રૂપરેખાઃ
સાંજે ૪ વાગ્યેઃ સભામંડપમાં પ્રવેશ શરૂ થશે.સભા અને પ્રવચનઃસભા દરમિયાન સંસ્થાના વરિષ્ઠ સદગુરુ સંતો પૂજ્ય ડોક્ટર સ્વામી, પૂજ્ય ઈશ્વરચરણ સ્વામી અને પૂજ્ય વિવેકસાગર સ્વામીના પ્રેરક પ્રવચનોનો લાભ મળશે. આશીર્વચનર્ઃં ત્યારબાદ પરમ પૂજ્ય મહંત સ્વામી મહારાજ સૌને પોતાના દિવ્ય આશીર્વચનથી લાભાન્વિત કરશે. ભવ્ય રંગોત્સવઃ સભાના અંતમાં રંગોત્સવ શરૂ થશે, જેમાં પ.પૂ. મહંત સ્વામી મહારાજ હરિભક્તો પર પવિત્ર કેસૂડાના જળનું સિંચન કરી તેમને રંગશે.
(2:11 PM IST)
છેલ્લા 8 દિવસમાં સૌથી લોકપ્રિય 
