આંબરડી સફારી પાર્ક પ્રવાસીઓ માટે આકર્ષણનું મહત્વનું કેન્દ્ર બની રહ્યું છે. છેલ્લા 2 વર્ષ દરમિયાન કુલ 2,07,447 લોકોએ આંબરડી સફારી પાર્કની મુલાકાત લીધી છે. તેમાં 2,07,419 ભારતીય મુલાકાતીઓ અને 28 વિદેશી મુલાકાતીઓનો સમાવેશ થાય છે. ભારતીય મુલાકાતીઓ પાસેથી પાર્કને 3,49,58,830 રૂપિયાની આવક થઈ છે, જ્યારે વિદેશી નાગરિકો પાસેથી 62,540 રૂપિયાની આવક નોંધાઈ છે. કુદરતી સૌંદર્ય અને વન્યજીવનને નજીકથી જોવા મળતી તકને કારણે આંબરડી સફારી પાર્ક પ્રવાસીઓમાં દિવસેધિવસ વધુ લોકપ્રિય બનતું જાય છે.