(પરેશ પારેખ દ્વારા) પોરબંદરઃ તા.૧૭, પીજીવીસીએલ  વીજ સર્કલ વિસ્‍તારમાં વીજ બીલના કરોડોની રકમ વસુલવા મેગા ડ્રાઇવ શરૂ થઇ રહી છે. આ મેગા ડ્રાઇવમાં જે ગ્રાહકોના એક હજારથી વુધ રકમના વીજ બીલો ભરવાના બાકી હશે તેના વીજ જોડાણો કાપવામાં આવશે.  આવા વીજ જોડાણો ડીસકનેકટ કરવા માટે વીજ તંત્રની ર૮૦ ટીમો મેદાનમાં ઉતરી છે.

બાકી વીજ બીલોની રકમ વસુલવા વીજ તંત્ર વિવિધ સરકારી કચેરીઓ અને સંસ્‍થાઓની વીજ બીલ ભરવાની લાખોની રકમ વસુલ કરવા કાર્યવાહી કરશે કે કેમ ? તે ઉપર  એક હજારથી વધુ રકમના વીજ બીલો ભરવાની બાકી હોય તેવા ર૪ હજાર ગ્રાહકો નોંધાયા છે. બાકી વીજ બીલની આશરે રપ કરોડની રકમ વીજ ગ્રાહકો પાસે લેણાં છે.

સમયાંતરે વીજ તંત્ર દ્વારા બાકી વીજ બીલો ભરવાની કડક કામગીરી  કરાય છે. વીજ ગ્રાહકો બાકી બીલની રકમ ભરે નહી તો તેના વીજ જોડાણો કાપી નાખવામાં આવે છે. આ મેગા ડ્રાઇવમાં રાજકીય વગ ધરાવનારો તેમજ માથાભારે અને વિવિધ સરકારી કચેરી પાસેથી પણ વીજ બીલની બાકી ચડત રકમ વસુલવામાં વીજ તંત્ર ભેદભાવ ન રાખે તેવી માંગણી ઉઠી છે.

ઉનાળાની કાળઝાળ ગરમી વખતે શરૂ થયેલી આ વીજ મેગા ડ્રાઇવથી લોકોમાં રોષ વ્‍યાપી ગયો છે.

એક અંદાજ મુજબ મહાનગરપાલીકા પાસે ૭ કરોડની વીજ બીલની રકમ ભરવાની બાકી છે. પોલીસ વિભાગ પાસે ૩,૭૬ લાખ, માર્ગ મકાન વિભાગ  ૬,રર લાખ, શેલ્‍ટર હોમની ૧૦,૮૦ લાખની વીજ બીલની રકમ ભરવાની બાકી છે.