( પ્રવિણ વ્યાસ દ્વારા ) મોરબી : મોરબીના ઇન્દિરાનગર વિસ્તારમાં રેડ કરી એલસીબી ટીમે ૯૦૦ લીટર ઠંડો આથો અને ૬૦ લીટર દેશી દારૂ સહીત કુલ રૂ ૩૪,૫૦૦ નો મુદામાલ જપ્ત કર્યો છે મહિલા આરોપીનું નામ ખુલતા વધુ તપાસ ચલાવી છે.

મોરબી એલસીબી ટીમ પેટ્રોલિંગમાં હોય દરમિયાન મોરબીના ઇન્દિરાનગર મફતિયાપરામાં બાતમીને આધારે રેડ કરી હતી સ્થળ પરથી પોલીસે પ્લાસ્ટિક કેરબામાં તૈયાર ઠંડો આથો ૯૦૦ લીટર કીમત રૂ ૨૨,૫૦૦ અને ૬૦ લીટર દેશી દારૂ કીમત રૂ ૧૨,૦૦૦ સહીત કુલ રૂ ૩૪,૫૦૦ નો મુદામાલ કબજે લીધો છે મહિલા આરોપી શોભનાબેન મુકેશભાઈ સુરેલા રહે ઇન્દિરાનગર મોરબી વાળાનું નામ ખુલતા બી ડીવીઝન પોલીસ મથકમાં ગુનો નોંધી વધુ તપાસ હાથ ધરી છે.