રાજકોટ તા. ૨૧: બગસરાના નવા વાઘણીયા ગામે રહેતાં ઇશ્વરભાઇ નરસીભાઇ બાજક (ઉ.વ.૩૮) ગઇકાલે બપોરે ઘર બહાર બેઠા હતાં ત્‍યારે બાખડતાં ખુંટીયાની ઢીંકે ચડી જતાં મોઢા-શરીરે ઇજા થઇ હતી. આ કારણે મોઢા પર લોહી નીકળ્‍યા હતાં. આ બનાવ વખતે આસપાસ કોઇ ન હોઇ થોડીવાર માટે ઇશ્વરભાઇ લોહીલુહાણ હાલતમાં પડી રહ્યા હતાં. તે વખતે કૂતરાએ પણ મોઢા પર લોહી જોઇ બટકુ ભરી લીધું હતું. યુવાનને બગસરા સારવાર અપાવી રાજકોટ સિવિલ હોસ્‍પિટલમાં ખસેડાતાં હોસ્‍પિટલ ચોકીના સ્‍ટાફે બગસરા પોલીસને જાણ કરી હતી. ઇશ્વરભાઇ પરિવારનો એક જ આધાર છે, તેને સંતાનમાં એક દિકરો અને એક દિકરી છે. પોતે છુટક મજૂરી કરી ગુરજાન ચલાવે છે.