રાજકોટ જિલ્લાના ધોરાજીમાં રખડતાં ઢોરના આતંકનો વધુ એક કિસ્સો સામે આવ્યો છે. ગેલેક્સી ચોક વિસ્તારમાં બે આખલાઓ જાહેર રસ્તા પર આમને-સામને આવી બાથ ભીડી જતા અચાનક યુદ્ધ જેવો માહોલ સર્જાયો હતો. આખલાઓ વચ્ચે થયેલા આ અથડામણને કારણે વાહનચાલકોએ તાત્કાલિક બ્રેક મારવી પડી અને રસ્તા પર ટ્રાફિક જામ જેવી સ્થિતિ ઊભી થઈ. ઘટનાને પગલે રાહદારીઓ અને સ્થાનિકોમાં ભયનો માહોલ ફેલાયો હતો. આ સમગ્ર ઘટનાનો વીડિયો સોશિયલ મીડિયા પર વાયરલ થયો છે, જેનાથી નગરપાલિકા દ્વારા રખડતાં ઢોર મુદ્દે કાર્યવાહી કરવાની માંગ ઉઠી છે.