( પ્રવિણ વ્યાસ દ્વારા )મોરબીના કન્યા છાત્રાલય રોડ પર વોર્ડ નં.8માં આવેલી ચિત્રકૂટ, સારસ્વત સહિતની સોસાયટીઓના રહીશોમાં આગામી ચૂંટણી માટે આયાતી ઉમેદવારના નામની ચર્ચાને લઈ ભારે રોષ જોવા મળી રહ્યો છે. ભાજપના ગઢ ગણાતા આ વિસ્તારના લોકોએ એકઠા થઈને સ્પષ્ટ ચેતવણી આપી છે કે જો બહારના ઉમેદવારને ટિકિટ આપવામાં આવશે તો તેઓ મતદાનનો બહિષ્કાર કરશે અને કોઈ પણ પ્રકારની સભા યોજવા દેવામાં આવશે નહીં.