અમરેલી જિલ્લાના સાવરકુંડલામાં ભાજપ દ્વારા ઉમેદવારોના નામ જાહેર થાય તે પૂર્વે જ ભંગાણ સર્જાયું છે. ધારાસભ્ય મહેશ કસવાળાના હોમટાઉનમાં વોર્ડ નંબર 6 ના વર્તમાન સદસ્ય અને વોર્ડ નંબર 1 ના પૂર્વ પ્રમુખ અનિરુદ્ધસિંહ વાજાએ ટિકિટ વિતરણથી નારાજ થઈ પક્ષના હોદ્દા અને સક્રિય સભ્યપદેથી રાજીનામાં ધરી દીધા છે. આ નેતાઓએ ભાજપ સાથે છેડો ફાડી કોંગ્રેસમાંથી ઉમેદવારી ફોર્મ ભરતા સ્થાનિક રાજકારણમાં ગરમાવો વ્યાપી ગયો છે.