વડાપ્રધાન નરેન્દ્રભાઈ  મોદી દેશમાં સૌથી લાંબા સમય સુધી પદ પર રહેનારા વડાપ્રધાન બનતા નવસારી જિલ્લાના બીલીમોરામાં સોમનાથ મહાદેવ મંદિરે ભવ્ય દીપોત્સવનું આયોજન કરવામાં આવ્યું હતું. કેબિનેટ મંત્રી નરેશ પટેલની ઉપસ્થિતિમાં આયોજિત આ કાર્યક્રમમાં વડાપ્રધાનના 4399 દિવસના શાસનના પ્રતીક રૂપે એટલી જ સંખ્યામાં દીવા પ્રગટાવીને ‘નમો’ (NAMO) આકૃતિ રચવામાં આવી હતી. આ પ્રસંગે વિશેષ પૂજન અને મહાઆરતી દ્વારા વડાપ્રધાનના દીર્ઘાયુ અને દેશના સતત વિકાસ માટે પ્રાર્થના કરવામાં આવી હતી.