(મુકુંદ બદિયાણી દ્વારા)જામનગર, તા. 12 : જામનગરના બેડી વિસ્તારમાં ફરી એકવાર તંત્રનું બુલડોઝર ફર્યું હતું. સાઈચા ગેંગ દ્વારા સરકારી જમીન પર કરાયેલા ગેરકાયદેસર દબાણને હટાવવા માટે તંત્ર દ્વારા મોટા પાયે ડિમોલેશનની કાર્યવાહી હાથ ધરવામાં આવી હતી.

સરકારી જમીન પર રહેણાંક હેતુ માટે કરાયેલ કુલ 12950 ચોરસ મીટર જગ્યા પરનું ગેરકાયદેસર દબાણ હટાવવામાં આવ્યું હતું. આશરે 1.17 કરોડની કિંમત ધરાવતી આ સરકારી જમીનને હવે ખુલ્લી કરવામાં આવશે.

ડિમોલેશનની સમગ્ર કાર્યવાહી પ્રાંત અધિકારી, SP, DySP સહિતના પોલીસ સ્ટાફની ઉપસ્થિતિમાં કરવામાં આવી હતી. કોઈપણ અનિચ્છનીય બનાવ ન બને તે માટે ચુસ્ત પોલીસ બંદોબસ્ત ગોઠવવામાં આવ્યો હતો.

(તસવીર: કિંજલ કારસરીયા, જામનગર)