(મુકુંદ બદિયાણી દ્વારા)જામનગર તા.૧૫ :  વિશ્વવ્યાપી આર્યસમાજનું સર્વોચ્ચ સંગઠન ગણાતી સાર્વદેશિક આર્ય પ્રતિનિધિ સભાના કારોબારી સભ્ય તરીકે શ્રી આર્યસમાજ – જામનગરના પ્રમુખ  દીપકભાઈ જયંતિલાલ ઠક્કર*ની વરણી કરવામાં આવી છે.

ઉલ્લેખનીય છે કે સાર્વદેશિક આર્ય પ્રતિનિધિ સભા એ આર્યસમાજનું વૈશ્વિક સ્તરનું સર્વોચ્ચ સંગઠન છે, જે વિશ્વના *50થી વધુ દેશો*માં ફેલાયેલા આર્યસમાજોનું પ્રતિનિધિત્વ કરે છે. આટલા મોટા આંતરાષ્ટ્રીય મંચ પર જામનગરના પ્રતિનિધિની પસંદગી થતા સમગ્ર જામનગર શહેર માટે આ ગૌરવની વાત છે.

 દીપકભાઈ ઠક્કરની આ વરણી બદલ શ્રી આર્યસમાજ – જામનગરના તમામ પદાધિકારીઓ, અંતરંગ સદસ્યો અને સભાસદોએ હર્ષની લાગણી વ્યક્ત કરી છે. આ ઉપરાંત સંસ્થા સંચાલિત *શ્રીમદ્ દયાનંદ કન્યા વિદ્યાલય*ના આચાર્યો, શિક્ષકો, વહીવટી કર્મચારીઓ અને સેવક ભાઈ-બહેનોએ પણ તેમને હદયપૂર્વક શુભેચ્છાઓ પાઠવી હતી.

સંસ્થાના હોદ્દેદારોએ જણાવ્યું હતું કે દીપકભાઈના નેતૃત્વ અને કાર્યોથી આર્ય સમાજના સિદ્ધાંતોને વધુ વેગ મળશે અને આંતરાષ્ટ્રીય સ્તરે જામનગરનું નામ વધુ રોશન થશે.