અંજારના વરસામેડી વિસ્તારમાં પાણીનો વાલ્વ ખોલવા જેવી સામાન્ય બાબતે જૂની અદાવત ઉગ્ર બની હતી. જેમાં હુમલાખોરોએ પરિવાર પર પિસ્તોલથી ફાયરિંગનો પ્રયાસ કરી ધોકા અને લાકડાં વડે હુમલો કર્યો હતો. આ ઘટનામાં એક મહિલા સહિત પરિવારના 4 સભ્યો ગંભીર રીતે ઘાયલ થયા છે. હુમલાખોરોએ જાનથી મારી નાખવાની ધમકી આપી ઘર બહાર પાર્ક કરેલી બસના કાચ પણ તોડી નાખ્યા હતા. આ બનાવથી આખા વિસ્તારમાં દહેશતનો માહોલ ફેલાયો છે. અંજાર પોલીસે તમામ આરોપીઓ સામે ગુનો નોંધી તેમની ધરપકડ માટે ચક્રો ગતિમાન કર્યા છે.