(વિનોદ ગાલા દ્વારા)ભુજ તા.૧૧ : દારૂબંધી વચ્ચે નવા નુસખાઓ થકી કચ્છમાં રેલવે તેમ જ ખાનગી બસ વ્યવહાર દ્વારા, આંગડિયા અને ટ્રાન્સપોર્ટ કંપની મારફતે દારૂ ઘુસાડવાના પ્રયાસો વધ્યા છે. ત્યારે પીપરાળા ચેકપોસ્ટ ઉપર બનાસકાંઠા પોલીસે બાડમેરથી ભુજ આવતી બસમાં બનાવેલ સ્પેશ્યલ ચોરખાનામાંથી ૩.૨૯ લાખનો વિદેશી દારૂ બિયરનો જથ્થો ઝડપી લીધો છે. પોલીસે જય ભવાની ટ્રાવેલ્સની લક્ઝરી બસમાં આ જથ્થો ઝડપી પાડ્યા બાદ તેને મોકલનાર અને ડિલિવરી લેનાર અંગે સઘન તપાસ હાથ ધરી છે.