(વિનુ જોશી દ્વારા)જુનાગઢ તા.૨૭ : જુનાગઢધામ સુવર્ણ સિંહાસનના લાભાર્થે તથા જૂનાગઢ મંદિરના 200 માં દ્વિશતાબ્દી મહોત્સવ ઉપલક્ષમાં રાજકોટના ભુપેન્દ્ર રોડ ઉપર આવેલ લાખો ભાવિકોના આસ્થા ના પ્રતિક શ્રી બાલાજી હનુમાનજી મંદિર - રાજકોટના આંગણે 2360 અને 2361મી ભવ્ય ઘરસભાનું આયોજન કરવામાં આવ્યું છે.

આ ઘરસભાના વક્તા તરીકે પૂ. સ.ગુ. સ્વામી શ્રી નિત્યસ્વરૂપદાસજી( સરધાર સ્વામિનારાયણ મંદિર) પોતાના આશીર્વચન પાઠવશે. આ ઘરસભાનું આયોજન કો.શા. સ્વા. શ્રી વિવેકસાગરદાસજી તથા કો.શા. સ્વા. શ્રી રાધારમણદાસજી દ્વારા કરવામાં આવ્યું છે.

કાર્યક્રમની વિગત જોઈએ તો તા.28 અને 29 સપ્ટેમ્બર 2026 સમય રાત્રે 9:00 કલાકે શ્રી બાલાજી હનુમાનજી મંદિર - ભુપેન્દ્ર રોડ, રાજકોટ.

આ પ્રસંગે શ્રી સ્વામિનારાયણ મુખ્ય મંદિર, જવાહર રોડ, જૂનાગઢ વતી ચેરમેન શ્રી પુરુષોત્તમપ્રકાશદાસજી સ્વામી તથા મહંત શ્રી ધર્મકિશોરદાસજી સ્વામી નિમંત્રક તરીકે ઉપસ્થિત રહેશે.

આ ધરસભા સૌ માટે ખુલ્લી છે અને તેનું જીવંત પ્રસારણ Sardhardham ની સોશિયલ મીડિયા ચેનલો પર કરવામાં આવશે. 200 દ્વિશતાબ્દી મહોત્સવ 2027 અંતર્ગત યોજાનારી આ ઘરસભામાં બહોળી સંખ્યામાં ભક્તોને લાભ લેવા અનુરોધ કરવામાં આવ્યો છે.

રાજકોટ શહેર તથા આજુબાજુના ગામડાઓમાં રહેતા તમામ વહાલા હરિભક્તોને આ દિવ્ય સભામાં પધારવા નિમંત્રક શ્રી સ્વામિનારાયણ મુખ્ય મંદિર, જવાહર રોડ - જુનાગઢ વતી ચેરમેન શ્રી પી.પી. સ્વામી તથા મહંત શ્રી ધર્મકિશોરદાસજી સ્વામીએ ભાવભર્યું આમંત્રણ પાઠવ્યું છે.