(વિનોદ ઝાલા દ્વારા) ભુજઃતા. ૨૮, ભુજ નગરપાલિકાની ચૂંટણી ૨૦૨૬નું ચિત્ર સ્‍પષ્ટ થઈ ગયું છે. કુલ ૪૪ બેઠકોમાંથી ભાજપે ૨૮ બેઠકો જીતી સત્તા જાળવી રાખી છે, જયારે કોંગ્રેસને ૧૩ અને AIMIMને ૩ બેઠકો મળી છે.

ભાજપના કુલ ૨૮ વિજેતા ઉમેદવારોમાંથી ૬ બેઠકો અગાઉ બિનહરીફ જાહેર થઈ હતી. આમ ચૂંટણીમાં ભાજપે ૨૨ બેઠકો પર જીત મેળવી છે.

વોર્ડવાર પરિણામો પર નજર કરીએ તો ભુજના વોર્ડ નંબર ૬માં ભાજપની આખી પેનલ વિજેતા થઈ છે. બીજી તરફ કોંગ્રેસ માટે રાહતના સમાચાર એ છે કે વોર્ડ નંબર ૨, ૩ અને ૫માં આખી કોંગ્રેસની પેનલ વિજેતા થઈ છે. આ સાથે ભુજ નગરપાલિકામાં સતત ત્રીજી વખત કોંગ્રેસની આખી પેનલ જીતી છે.

સૌથી ચોંકાવનારું પરિણામ વોર્ડ નંબર ૧મૉ આવ્‍યું છે. અહીં ૪માં થી૩ બેઠકો AIMIMનેફાળે ગઈ છે, જયારે ૧ બેઠક કોંગ્રેસે જીતી છે.

૨૮ બેઠકો સાથે ભાજપે ભુજ નગરપાલિકામાં સ્‍પષ્ટ બહુમતી મેળવી સત્તા જાળવી રાખી છે. પરિણામ બાદ શહેરમાં રાજકીય ગતિવિધિઓ તેજ બની છે.