(પરેશ પારેખ દ્વારા) પોરબંદર, તા., ૫  : ઉદ્યોગનગર પોલીસ સ્‍ટેશન વિસ્‍તારમાં ૧ર વર્ષના સગીર દ્વારા બાળકી ઉપર દુષ્‍કર્મના ચોંકાવનારા બનાવમાં પોલીસે તપાસને કાયદેસરની કાર્યવાહી કરી છે.

બાર વર્ષના એક કિશોરે તેના પાડોશમાં રહેતી ૪ વર્ષની બાળકી ઉપર દુષ્‍કર્મ આચરતા પોલીસે આ બનાવમાં ગુન્‍હો દાખલ કર્યો છે.

સગીર બાળક દ્વારા બાળકી ઉપર દુષ્‍કર્મના ચોંકાવનારા આ બનાવમાં પોસ્‍કો એકટ તથા જુવેનાઇલ એકટની જોગવાઇ મુજબ ભોગ બનનાર કે આરોપીની ઓળખ જાહેર ન થાય તેમજ તેમના માતા અને પિતાના નામ, રહેણાંકનું સરનામુ, સ્‍કુલનુ નામ કે ફોટો-વિડીયો જાહેર નહી કરવા પોલીસ દ્વારા સુચના અપાઇ છે. આ બનાવમાં સગીર કિશોર અને બાળકીની ઓળખ છતી ન થાય તે માટે પોલીસ તકેદારી લઇ રહેલ છે.