ઈશ્વરિયા : ભાવનગર જિલ્લાના નેસવડ ગામ ખાતે આગામી બુધવાર, તારીખ ૩૦ સપ્ટેમ્બરના રોજ સહકારી ક્ષેત્રના અગ્રણી હરિભાઈ જોષીનો અભિવાદન સમારોહ યોજાનાર છે. સહકારી ક્ષેત્રે તેમની ૪૦ વર્ષની ઉજ્જવળ કારકિર્દી તેમજ તેમણે જ સ્થાપેલી શ્રી નેસવડ દૂધ ઉત્પાદક સહકારી મંડળીની સ્થાપનાને ૪૦ વર્ષ પૂર્ણ થવા નિમિત્તે આ વિશેષ કાર્યક્રમનું આયોજન કરવામાં આવ્યું છે.

ભાવનગર જિલ્લા સહકારી દૂધ ઉત્પાદક સંઘ (સર્વોત્તમ) માટે મુખ્ય વહીવટી જવાબદારી નિભાવી રહેલા હરિભાઈ જોષીએ સહકારી ક્ષેત્રના વિકાસમાં નોંધપાત્ર પ્રદાન આપ્યું છે. આ પ્રદાનને બિરદાવવા માટે નેસવડ દૂધ ઉત્પાદક સહકારી મંડળી દ્વારા તેમનું વિશેષ સન્માન કરવામાં આવશે.

આગામી બુધવારે યોજાનારા આ અભિવાદન કાર્યક્રમને સફળ બનાવવા માટે મંડળીના પ્રમુખ દયારામભાઈ બારૈયા, મંત્રી પ્રાગજીભાઈ નાંદવા તેમજ મંડળીના તમામ સભાસદો ભારે જહેમત ઉઠાવી રહ્યા છે. (અહેવાલ - મુકેશ પંડિત)