અમરેલી : અમરેલી જિલ્લામાં મેઘરાજા મહેરબાન થયા છે જિલ્લામાં અનેક સ્થળોએ અનરાધાર વરસાદ ખાબક્યો છે ત્યારે ધારી પંથકમાં ભારે વરસાદને કારણે ખોડિયાર ડેમમાં પાણીની સતત આવક વધતા ડેમના 9 દરવાજા 1.52 મીટર સુધી ખોલવામાં આવ્યા છે. હાલમાં ડેમમાં 31,950 ક્યુસેક પાણીની આવક થઈ રહી છે અને એટલી જ માત્રામાં પાણી છોડવામાં આવી રહ્યું છે. ડેમના દરવાજા ખોલાતા અમરેલી અને ભાવનગર જિલ્લાના 40થી વધુ ગામોને એલર્ટ કરવામાં આવ્યા છે અને નદીકાંઠાના વિસ્તારોમાં સાવચેતી રાખવા સૂચના અપાઈ છે.