બોટાદ, તા.,૧૦ : સોશિયલ મીડિયાના નાના વિવાદે બોટાદમાં એક પરિવારની ખુશી છીનવી લીધી. ઈન્‍સ્‍ટાગ્રામ પર થયેલી ચેટને લઈને થયેલા ઝઘડાનું સમાધાન કરવાના બહાને બોલાવવામાં આવેલા એક યુવકની નિર્દયતાથી હત્‍યા કરી દેવામાં આવી. જ્‍યારે આ હુમલામાં અન્‍ય ૨ યુવકોને ગંભીર ઈજાઓ પહોંચી છે.

મળતી માહિતી મુજબ ઈન્‍સ્‍ટાગ્રામ પર બે જૂથ વચ્‍ચે કેટલાક દિવસથી ચેટ અને કોમેન્‍ટને લઈને તકરાર ચાલી રહી હતી. વિવાદ વધતા બંને પક્ષોએ સમાધાન કરવાનું નક્કી કર્યું. આ માટે આરોપી પક્ષે બીજા પક્ષના યુવકોને એક નિર્જન સ્‍થળે બોલાવ્‍યા હતા.

પોલીસના પ્રાથમિક તપાસ મુજબ, જેવા યુવકો ત્‍યાં પહોંચ્‍યા કે તરત જ બંને પક્ષો વચ્‍ચે ઉગ્ર બોલાચાલી થઈ. બોલાચાલી બાદ મામલો મારામારીમાં ફેરવાયો અને આરોપીઓએ છુપાવી રાખેલા ધારદાર હથિયારો કાઢીને હુમલો કરી દીધો.

આ હિંસક હુમલામાં એક યુવકને માથા અને શરીરના ભાગે ગંભીર ઘા થતા તેનું ઘટનાસ્‍થળે જ મોત નીપજ્‍યું. જ્‍યારે અન્‍ય ૨ યુવકોને પણ ગંભીર ઈજાઓ થઈ છે. સ્‍થાનિક લોકોની મદથી ત્રણેયને તાત્‍કાલિક બોટાદની સિવિલ હોસ્‍પિટલમાં ખસેડવામાં આવ્‍યા, જ્‍યાં એક યુવકને મળત જાહેર કરાયો. બાકીના ૨ની હાલત ગંભીર હોવાનું ડોક્‍ટરોનું કહેવું છે.

ઘટનાની જાણ થતા જ બોટાદ પોલીસનો કાફલો ઘટનાસ્‍થળે દોડી આવ્‍યો હતો. પોલીસે મળતદેહને પોસ્‍ટમોર્ટમ માટે મોકલી આપ્‍યો છે અને ઈજાગ્રસ્‍તોના નિવેદન નોંધવાની પ્રક્રિયા શરૂ કરી છે. પોલીસે હત્‍યા અને હત્‍યાના પ્રયાસ સહિતની કલમો હેઠળ ગુનો નોંધીને આરોપીઓને પકડવા માટે અલગ-અલગ ટીમો બનાવી છે.

પોલીસ અધિકારીનું કહેવું છે કે પ્રાથમિક તપાસમાં મામલો ઈન્‍સ્‍ટાગ્રામ પરની અંગત અદાવતનો લાગે છે. આરોપીઓને ટૂંક સમયમાં પકડી લેવામાં આવશે.

આ ઘટના બાદ બોટાદ શહેરમાં ભારે ચકચાર મચી ગઈ છે. સોશિયલ મીડિયાના નાના ઝઘડા કેવી રીતે જાનલેવા બની જાય છે તેનું આ વધુ એક ઉદાહરણ છે. સ્‍થાનિકો દ્વારા યુવાનોમાં સોશિયલ મીડિયાના યોગ્‍ય ઉપયોગ અને વિવાદોને શાંતિપૂર્ણ રીતે ઉકેલવા માટે જાગળતિ ફેલાવવાની માંગ ઉઠી છે.પોલીસે નાગરિકોને અપીલ કરી છે કે કોઈપણ ઓનલાઈન વિવાદનું સમાધાન કરવા એકલા કે નિર્જન સ્‍થળે ન જવું અને તાત્‍કાલિક પોલીસનો સંપર્ક કરવો.