રાજકોટ જિલ્લાના લોધીકા તાલુકામાં મેઘરાજાએ ધોધમાર બેટિંગ કરી છે. લોધીકા શહેર ઉપરાંત ઇટારા સહિતના આસપાસના ગ્રામ્ય વિસ્તારોમાં સાર્વત્રિક વરસાદ વરસતા સમગ્ર પંથક પાણી-પાણી થઈ ગયો છે. લાંબા સમય બાદ વરસેલા આ ધોધમાર વરસાદને પગલે સ્થાનિક ખેડૂતોમાં ભારે ખુશીની લહેર જોવા મળી રહી છે. કૃષિ નિષ્ણાતોના જણાવ્યા અનુસાર, આ વરસાદથી પંથકમાં વાવેતર કરાયેલા કપાસ અને મગફળીના પાકને મોટું જીવનદાન મળશે અને પાકને ભારે ફાયદો થશે.