પ્રવીણ વ્યાસ દ્વારા, મોરબી: ચોમાસાની આગામી સીઝનને ધ્યાનમાં રાખીને મોરબી મહાનગરપાલિકા દ્વારા શહેરના નાગરિકોની સુરક્ષા અને આપત્તિ વ્યવસ્થાપન માટે ખાસ આયોજન હાથ ધરવામાં આવ્યું છે. સંભવિત પૂર, અતિભારે વરસાદ કે વાવાઝોડા જેવી કોઈપણ કટોકટીપૂર્ણ પરિસ્થિતિને પહોંચી વળવા માટે મહાનગરપાલિકા તંત્ર દ્વારા વિશેષ 'આપત્તિ વ્યવસ્થાપન કક્ષ' (ડિઝાસ્ટર મેનેજમેન્ટ કંટ્રોલ રૂમ) કાર્યરત કરવામાં આવ્યો છે.

આ કંટ્રોલ રૂમ ૨૪ કલાક રાઉન્ડ ધ ક્લોક કાર્યરત રહેશે, જેથી કોઈપણ પ્રકારની કટોકટીની સ્થિતિમાં મોરબીના નાગરિકોને ત્વરિત મદદ પૂરી પાડી શકાય. મહાનગરપાલિકા દ્વારા આપત્તિ સમયે નાગરિકોની સુવિધા માટે ખાસ હેલ્પલાઈન નંબરો જાહેર કરવામાં આવ્યા છે.

નાગરિકો ચોમાસા દરમિયાન પૂર કે અન્ય આપત્તિના સમયે ૦૨૮૨૨-૨૨૦૫૫૨ તથા ૦૨૮૨૨-૨૨૦૫૫૩ પર સીધો સંપર્ક કરી શકશે. મહાનગરપાલિકા તંત્ર દ્વારા તમામ નાગરિકોને ઈમરજન્સીના સમયે આ નંબરોનો ઉપયોગ કરવા અને વહીવટી તંત્રની સૂચનાઓનું પાલન કરવા જણાવાયું છે.