( પ્રવિણ વ્યાસ દ્વારા ) મોરબી મહાનગરપાલિકાના વોર્ડ નં. ૩માં કોર્પોરેટર શ્રી ભુપતભાઈ જારીયા અને શ્રી જીજ્ઞેશભાઈ કૈલા દ્વારા વોર્ડની તમામ નવરાત્રી ગરબી મંડળીઓમાં ૧૦૦૦થી વધુ દીકરીઓને લાણીનું વિતરણ કરવામાં આવ્યું હતું.
આ સેવાકીય પ્રવૃત્તિ અંતર્ગત વૃંદાવન પાર્ક, રામકૃષ્ણનગર, વિકાસ પાર્ક, ભાગ્યલક્ષ્મી સોસાયટી, રામકૃષ્ણ સ્કૂલ સામેનો વિસ્તાર, વર્ધમાન નગર સહિતના વિવિધ વિસ્તારોને આવરી લેવામાં આવ્યા હતા.
‘સેવા પરમો ધર્મ’ના મંત્રને ચરિતાર્થ કરતી આ પહેલ દ્વારા દીકરીઓના ચહેરા પર ખુશી લાવવાની સાથે સામાજિક એકતા, આત્મીયતા અને સહયોગનો સંદેશ આપવામાં આવ્યો હતો. લોકસંપર્ક અને જનસેવાની ભાવના સાથે યોજાયેલી આ પ્રવૃત્તિ વોર્ડ નં. ૩માં સેવાભાવનાનું ઉત્તમ ઉદાહરણ બની હતી.