<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Wednesday, 4th November 2026

નિલેશભાઈ કૈલા અને દીપકભાઈ જીવાણીને ટંકારા અને મોરબીના કેળવણી નિરીક્ષક તરીકે નિમણૂક મળી

(પ્રવિણ વ્‍યાસ દ્વારા) મોરબી તા. ૪ :.. વર્ષ ૨૦૦૪માં ધોરણ ૮થી ૧૦ના ટયુશન વર્ગોથી શિક્ષણયાત્રા શરૂ કરનાર નિલેશભાઈ કૈલાએ વર્ષ ૨૦૦૭માં ‘શ્રી નવસર્જન ખાનગી શાળા'ની સ્‍થાપના કરી. વર્ષ ૨૦૧૧માં વાંકાનેર તાલુકાની જામસર તાલુકા શાળામાં ગણિત-વિજ્ઞાનના શિક્ષક તરીકે નિમણૂક મેળવ્‍યા બાદ, વર્ષ ૨૦૧૪માં એચટેટ પરીક્ષા ઉત્તીર્ણ કરીને મોરબી તાલુકાની બાજીરાજબા કન્‍યા શાળામાં આચાર્યપદ સંભાળ્‍યું. હાલ આ શાળામાં ૪૬૫ દીકરીઓ અભ્‍યાસ કરે છે અને શાળા કેન્‍દ્ર સરકારની પીએમ શ્રી યોજનામાં પણ પસંદ પામી છે. તેમની આ સફળતાથી નવયુગ પરિવાર સાથેના આત્‍મીય સંબંધોમાં આનંદ ઉમેરાયો છે

નવયુગના ભૂતપૂર્વ શિક્ષક દીપકભાઈ જીવાણીની સફળતા પણ નવયુગ પરિવાર માટે વિશેષ આનંદનો અવસર છે. વિદ્યાર્થીઓના મનમાંથી ગણિતનો ડર દૂર કરીને વિષય પ્રત્‍યે રસ જગાવવાની તેમની આગવી શિક્ષણશૈલી આજે પણ યાદગાર છે. નવયુગમાં ‘શ્રેષ્ઠ શિક્ષક' તરીકે સન્‍માનિત થયેલા દીપકભાઈની આ સિદ્ધિને વધાવતાં સમગ્ર નવયુગ પરિવાર ગૌરવ અનુભવે છે. સંબંધોથી જોડાયેલા સ્‍વજન અને સાથે કાર્ય કરી ચૂકેલા શિક્ષકラબંનેની પ્રગતિ આજે નવયુગ પરિવારને પોતાની સફળતા જેવો આનંદ આપે છે. આપ બંનેની વર્ષોની મહેનત, અનુભવ અને શિક્ષણ પ્રત્‍યેની નિષ્ઠાને મળેલું આ સુંદર પરિણામ છે.

આપ બંને નવી જવાબદારીમાં શિક્ષણની ગુણવત્તા વધારવા, શિક્ષકોને માર્ગદર્શન આપવા અને વિદ્યાર્થીઓનું ભવિષ્‍ય ઉજ્જવળ બનાવવામાં યોગદાન આપતા રહો એવી હૃદયપૂર્વક શુભકામનાઓ. આપની કારકિર્દી વધુ પ્રગતિ કરે અને આવી અનેક સિદ્ધિઓને વધાવવાના અવસરો અમને મળતા રહે. તેવી શુભેચ્‍છાઓ નવયુગ ગ્રુપ ઓફ એજ્‍યુકેશનના પ્રમુખ પી.ડી.કાંજીયાએ પાઠવી છે.

(11:51 AM IST)